Gəncə şəhərində qenişmiqyaslı iməclik işləri aparılıb.
13 dekabr 2021 | 16:00
Gəncə Şəhər İcra Hakimiyyətinin təşəbbüsü ilə ümumşəhər iməcliyi təşkil olunub. İməclikdə şəhərdə fəaliyyət göstərən idarə, müəssisə, təşkilatların rəhbər və kollektivləri, tələbə-gənclər iştirak ediblər. İşlərə Mənzil Kommunal Təsərrüfatı İstehsalat Birliyinin əməkdaşları da cəlb olunublar.
Şəhərin müxtəlif ərazilərində baş tutan iməclik zamanı yaşıllıq zolaqlarına qulluq göstərilib. Ərazilərdə olan qurumuş otlar biçilib, payız mövsümü ilə əlaqədar yığılan xəzəllər daşınması üçün bir yerə toplanıb, ağacların dibləri bellənərək, suvarılıb. Bununla yanaşı küləyin təsiri ilə ərazilərə səpələnən müxtəlif məişət tullantıları toplanaraq ərzidən uzaqlaşdırılıb. İməclik qədim Gəncə qalasının yerləşdiyi əraziləri də əhatə edib.
İməcilik işlərinin gedişatı ilə yerində tanış olan Gəncə Şəhər İcra Hakimiyyətinin Niyazi Bayramov aidiyyəti üzrə müvafiq tapşırıqlar verib.
Keçidlər
