Gəncədə “Gəncə şəhərinin hərb tarixi və şəhidləri” kitabının təqdimatı keçirilmişdir
27 yanvar 2013 | 16:00
Kitab qədim və zəngin maddi və mənəvi irsə sahib olan Gəncə şəhərinin şanlı hərb tarixi və ərazi bütövlüyü, dövlət müstəqilliyi uğrunda canlarını fəda etmiş şəhidlərinə həsr olunmuşdur. Bundan əlavə kitabda Gəncədə olmuş və yaşayan görkəmli sərkərdələr, generallar və şəhidlərin keçdiyi həyat yolu, göstərdikləri qəhrəmanlıqları barədə geniş məlumatlar təqdim olunub. Təqdimat mərasimində şəhər rəhbərliyi ilə yanaşı ziyalılar, veteranlar və şəhid ailələri qatılıblar. Qeyd edək ki, kitab 700 tirajla Gəncə şəhər İcra Hakimiyyətinin başçısı Elmar Vəliyevin təşəbbüsü ilə
çap olunub və 284 səhifədən ibarətdir. Nəfis və möhtəşəm şəkildə çap olunan kitabın 2-ci cildi də hazırlanır.
Keçidlər
