Gəncənin baş meydanında təşkil olunan böyük bayram konserti tamaşaçılara xoş anlar yaşatmışdır

23 dekabr 2014 | 16:00

Gəncə şəhər İcra Hakimiyyətinin dəstəyi ilə 31 dekabr Dünya Azərbaycanlılarının Həmrəylik Günü və Yeni ilin gəlişi ilə bağlı böyük bayram konserti olub. Meydanı dolduran insan seli xalq artisti Alim Qasımov və əməkdar artist Fərqanə Qasımova, xalq artistləri Brilyant Dadaşova və Zülfiyyə Xanbabayevanın ifalarını böyük coşqu ilə izləyiblər.

Natiq Şirinov və onun «Natiq» ritm qrupunun ifasında səslənən ritmlər tamaşaçılara xoş ovqat bəxş edib. Türkiyəli müğənni Fərhad Köçərin ifası gəncəlilərin gurultulu alqışları ilə müşayiət olunub. Müğənnilərin ifasına şəhərin müxtəlif rəqs qrupunun üzvləri əlvan çalarlar qatıb.
Konsert boyu aparıcıların Gəncədəki möhtəşəm quruculuq və uğurlarla bağlı söylədiyi fikirlər alqışlanıb.
Möhtəşəm konsert proqramı atəşfəşanlıqla başa çatıb və ertəsi günü Azərbaycan televiziyası ilə nümayiş etdirilib.

Keçidlər