Azərbaycan Texnologiya Universitetində Məzun Günü keçirilib
Tədbirdə Gəncə Şəhər İcra Hakimiyyətinin başçısı Niyazi Bayramov, YAP Gəncə şəhər təşkilatının sədri Bayram Aslanov, Azərbaycan Texnologiya Universitetinin rektor əvəzi Yaşar Ömərov, mobil operator "Nar"ın Baş icraçı direktoru Qunnar Panke, müharibə iştirakçıları, universitetin müəllim kollektivi, valideynlər və məzunlar iştirak ediblər.
Əvvəlcə Azərbaycan Respublikasının Dövlət Himni səsləndirilib.Daha sonra Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib.
Niyazi Bayramov çıxışında bildirib ki, Ulu Öndər Heydər Əliyevin tarixi xidmətləri, onun layiqli davamçısı möhtərəm Prezident cənab İlham Əliyevin yürütdüyü siyasətin nəticəsidir ki, bugün bilikli, savadlı gənclər yetişir. Şəhər rəhbəri məzunları təbrik edərək, onlara həyat yollarında uğurlar arzulayıb.
Yaşar Ömərov məzunların bundan sonra da layiqli vətəndaş olacaqlarına, gələcək həyatda, təhsil sahəsində yeni-yeni uğurlara imza atacaqlarına əminlik ifadə edib.
Çıxışlardan sonra universitetin ictimai həyatında və idman sahəsində fərqlənən tələbələrin təltif olunublar.
Məzun Günü “Eurovision-2022” müsabiqəsində ölkəmizi təmsil edən, Respublikamızın gənc və istedadlı ifaçılarından olan Nadir Rüstəmlinin konsert proqramı ilə davam edib. Bunula yanaşı, universitetin məzun tələbələri maraqlı musiqi nömrələri ilə çıxış ediblər.
Sonda məzunlar Vətənə, xalqa, dövlətə sadiq qalacaqlarına, bundan sonrakı həyatlarında böyük həvəslə çalışaraq layiqli mütəxəssis olacaqlarına and içiblər.
