Azərbaycan Texnologiya Universitetində Novruz bayramına həsr edilmiş bayram tədbiri təşkil olunub
Tədbirdə Gəncə Şəhər İcra Hakimiyyətinin başçısı Niyazi Bayramov, Daşkəsən Rayon İcra Hakimiyyətinin başçısı Əhəd Abıyev, Azərbaycan Texnologiya Universitetinin rektor əvəzi dos. Yaşar Ömərov və digər qonaqlar iştirak edib.
Əvvəlcə Azərbaycan Respublikasının Dövlət Himni səsləndirilib. Daha sonra Ulu Öndər Heydər Əliyevin və torpaqlarımız uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.
Tədbir rəqs, musiqi nömrələri, idmançıların çıxışları ilə davam edib. Bundan başqa ATU fakültələri arasında qədim idman növlərindən olan kəndir dartma yarışı keçirilib. Bununla yanaşı, Niyazi Bayramov qonaqlarla birgə istedadlı gənclərin əl işlərindən ibarət sərgiyə və Novruz xonçalarına baxış keçiriblər.
Sonda tədbirdə iştirak edən qazilər universitetin baş meydanında Novruz tonqalını alovlandırıblar.
