Gəncə şəhər 2 saylı uşaq bağçasının uşaqları dövlət qulluqçularının peşə bayramı münasibətilə Niyazi Bayramovla görüşüblər
24 iyun 2024 | 19:04
Görüşdə Gəncə Şəhər İcra Hakimiyyətinin başçısı Niyazi Bayramov, Gəncə-Daşkəsən Regional Təhsil İdarəsinin müdiri Anar Qədiməliyev, Gəncə Şəhər İcra Hakimiyyəti başçısı Aparatının, o cümlədən Regional Təhsil İdarəsinin məsul əməkdaşları iştirak ediblər.
Anar Qədiməliyev körpə fidanlar adından Niyazi Bayramovu 23 İyun – Dövlət Qulluqçularının Peşə Bayramı münasibətilə təbrik edib, şəhər rəhbərinə bu şərəfli və məsuliyyətli işdə uğurlar diləyib.
Niyazi Bayramov kiçik qonaqlara təşəkkürünü bildirərək, onlara gələcəkdə bilikli və savadlı şəxsiyyət olmağı arzulayıb.
Sonda uşaqlar öz əlləri ilə hazırladığı Azərbaycan xəritəsini Niyazi Bayramova hədiyyə ediblər. İcra başçısı da körpə fidanlara öz hədiyyəsini təqdim edib.
Keçidlər
