Gəncə Şəhər İcra Hakimiyyəti başçısı Aparatının əməkdaşları üçün üç günlük təlim keçirilib
05-07 İyun 2024-cü il tarixlərində Dövlət İmtahan Mərkəzi tərəfindən Gəncə Şəhər İcra Hakimiyyəti başçısı Aparatının müvafiq şöbələrinin əməkdaşlarına təlimlər keçirilib. Təlimlərdə “Dövlət qulluğu vəzifələrinin tutulması üçün müsahibələrin keçirilməsi qaydaları”, “İş yerində rifahın təmin olunması: tükənmə və streslə mübarizə” və “Təşkilati mədəniyyət və vətəndaşlarla işin təşkili” mövzuları ətrafında təlimçilərin məruzələr dinlənilib.
Təlimlər zamanı iştirakçılarla müzakirə aparılıb və onları maraqlandıran suallar cavablandırılıb.
Qeyd edək ki, təlimlər Azərbaycan Respublikası Prezidentinin 2022-ci il 22 iyul tarixli 3378 nömrəli Sərəncamı ilə təsdiq edilmiş “Azərbaycan Respublikasının 2022-2026-cı illərdə sosial-iqtisadi inkişaf Strategiyası”nın müvafiq bəndlərinə uyğun olaraq Dövlət İmtahan Mərkəzi tərəfindən keçirilib.
