Gəncə şəhərində qanunsuz tikintilərə qarşı monitorinqlər davam etdirilir
Monitorinqlər Gəncə Şəhər İcra Hakimiyyəti yanında Şəhərdə tikinti norma və qaydalarına riayət olunmadan aparılan tikintilərin müəyyən edilməsi məqsədilə yaradılan komissiya üzvlərinin, FHN-nin Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin, Əmlak Məsələlər Dövlət Xidmətinin Gəncə Ərazi Şöbəsinin və hüquq-mühafizə orqanlarının nümayəndələrinin iştirakı ilə aparılır.
Həyata keçirilən növbəti monitorinqlər zamanı, şəhərin Ruzigar Qasımov küçəsində və Səbuhi Əliyevlə Abbas Səhhət küçələrinin kəsişməsində, müvafiq icazəverici sənədləri olmadan tikintisi aparılan qeyri-yaşayış sahələri, eyni zamanda Cavadxan küçəsi 9 cu döngədə qanunsuz talvar aşkarlanaraq söküntüsü təmin edilmişdir.
Qeyd edək ki, aparılan monitorinqlər bundan sonra da mütəmadi olaraq davam etdiriləcəkdir.
