Gəncədə yaşıllıq zolaqları artırılır
Gəncə Şəhər İcra Hakimiyyətinin təşəbbüsü və Azərbaycan Dövlət Aqrar Universitetinin, Gəncə Dövlət Universitetinin, Azərbaycan Texnologiya Universitetinin, Gəncə Tibb Kollecinin, GDU-nun nəzdində Regional Kollecinin, Gəncə-Daşkəsən Regional Təhsil İdarəsinin, Gəncə-Daşkəsən Regional Mədəniyyət İdarəsinin, Gəncə-Daşkəsən Regional Gənclər və İdman İdarəsinin, AMEA Gəncə Bölməsinin, o cümlədən AYNA Gəncə Regional İdarəsinin və digər müəssisələrin təşkilatçılığı ilə ekoloji tarazlığın qorunması və yaşıllıq zolaqlarının artırılması məqsədilə ağacəkmə aksiyası keçirilib.
Aksiya çərçivəsində 5000-dən çox iqlim şəraitinə uyğun ağaclar əkilib, onlara xüsusi aqrotexniki qulluq göstərilib.
Qeyd edək ki, aksiyanın keçirilməsinin əsas məqsədi yaşıllıq zolaqlarının genişləndirilməsi və ekoloji tarazlığın bərpası ilə yanaşı, ekoloji mühitin sağlamlaşdırılmasının sürətlənməsi, eləcə də insanlar arasında ekoloji mədəniyyətin və təbiətə qayğı hissinin güclənməsinə böyük töhfə verməkdir.
