Gəncədə “Kommunikasiya bacarıqları” mövzusunda tədbir keçirilib
Gəncə Şəhər İcra Hakimiyyətinin və Gəncə-Daşkəsən Regional Təhsil İdarəsinin təşkilatçılığı ilə M.Mehdizadə adına 4 nömrəli xarici dil təmayüllü məktəb-liseydə “Kommunikasiya bacarıqları” mövzusunda tədbir keçirilib.
“Uşaq Səfirlə Məclisi”nin illik fəaliyyət planına uyğun olaraq keçirilən tədbirdə Gəncə Şəhər İcra Hakimiyyəti başçısı Aparatı nümayəndələri Xalidə Mete, Nuriyyə Kərimova, Gəncə-Daşkəsən Regional Təhsil İdarəsinin əməkdaşı Vüsalə Balayeva, həmçinin “Uşaq Səfirlər Məclisi”nin Gəncə şəhəri üzrə region nümayəndələri və onlara dəstək üçün seçilən fəal şagirdlər iştirak ediblər.
Xalidə Mete çıxışında yeniyetmə və şagirdlər arasında ünsiyyət və natiqlik bacarıqlarının artırılmasının əhəmiyyətindən bəhs edərək, tədbirin gedişatına uğurlar arzulayıb.
“Uşaq Səfirlər Məclisi”nin Gəncə şəhəri üzrə region nümayəndəsi Hüseyn İsmayılov mövzu haqqında geniş məlumat verib. O qeyd edib ki, tədbirin keçirilməsində əsas məqsəd şagirlərin ünsiyyət və fikir ifadə etmək bacarıqlarını artırmaq, o cümlədən natiqlik biliklərini genişləndirməkdir.
Toplantıda şagirdlərin ünsiyyət qabiliyyətlərini daha da aşkara çıxarmaq üçün müəyyən interaktiv mühit təşkil olunub. Həmçinin, onları maraqlandıran suallar cavablandırılıb.
