Gəncədə məşğulluğa kömək göstərən əlaqələndirmə komitəsi növbəti maarifləndirmə tədbiri keçirib
Gəncə şəhəri üzrə məşğulluğa kömək göstərən əlaqələndirmə komitəsinin növbəti iclası “Parıltı Halı” şirkətində baş tutub. Görüşdə Gəncə Şəhər İcra Hakimiyyəti başçısının müavini Adil Tağıyev, Dövlət Məşğulluq Agentliyinin Gəncə-Daşkəsən Məşğulluq filialının, Dövlət Sosial Müdafiə Fondu PHŞ-nin Gəncə-Daşkəsən Regional filialının, Dövlət Əmək Müfəttişliyi Xidmətinin Gəncə-Daşkəsən Regional şöbəsinin, DİİXİHİ Gəncə Şəhər Komitəsinin, şəhər ərazisində fəaliyyət göstərən bələdiyyələrin və müəssisənin nümayəndələri iştirak ediblər.
Görüş zamanı “Parıltı Halı” şirkətinin əməkdaşları ilə söhbət aparılıb, qeyri-formal məşğulluğun qarşısının alınması istiqamətində qanunvericilikdə nəzərdə tutulan imkanlar və tətbiq edilə biləcək sanksiyalar müzakirə olunub.
Qeyd edək ki, bu istiqamətdə maarifləndirici tədbirlər mütəmadi şəkildə davam etdiriləcək.
