Niyazi Bayramov açıq ürək əməliyyatı keçirən şəhid övladını ziyarət edib
Gəncə Şəhər İcra Hakimiyyətinin başçısı Niyazi Bayramov şəhid Asiman İmamverdiyevin övladı Nuray İmamverdiyevanı keçirdiyi açıq ürək əməliyyatından sonra ziyarət edib, onun vəziyyəti ilə maraqlanıb. Görüşdə YAP Gəncə şəhər təşkilatının sədri və Gəncə Şəhər İcra Hakimiyyəti başısı Aparatının məsul əməkdaşları iştirak edib.
Şəhər rəhbərinə Nurayın vəziyyəti ilə bağlı məlumat verilib. Bildirilib ki, Nuray İmamverdiyeva Bakı şəhər Bona Dea Beynəlxalq Hospitalda açıq ürək əməliyyatı keçirib, müalicə və müayinə olunub. Hazırda onun səhhəti qənaetbəxşdir.
Niyazi Bayramov balaca Nuraya şəfa diləyib, eyni zamanda şəhid ailəsini narahat edən məsələlərlə maraqlanıb və lazımi tədbirlərin görülməsi üçün aidiyyatı üzrə tapşırıqlar verib.
Şəhid Asiman İmamverdiyevin ailəsi göstərilən diqqət və qayğıya görə ölkə başçısı İlham Əliyevə və Birinci vitse-prezident Mehriban xanım Əliyevaya öz təşəkkürlərini bildiriblər. Bununla yanaşı, şəhidin övladları Vətənə həsr olunmuş şeirlər səsləndiriblər.
Qeyd edək ki, Vətən mühraibəsi iştirakçısı İmamverdiyev Asiman Mehman oğlu 12 sentyabr 2022-ci ildə Ermənistan Silahlı Qüvvələri tərəfindən törədilən genişmiqyaslı təxribatın qarşısının alınması zamanı qəhrəmancasına şəhid olub.
