Niyazi Bayramov Əməkdar elm xadimi, professor Vaqif Novruzovu 80 illik yubileyi münasibətilə təbrik edib
Gəncə Şəhər İcra Hakimiyyətinin başçısı Niyazi Bayramov Əməkdar elm xadimi, AMEA-nın müxbir üzvü, Gəncə Dövlət Universitetinin Botanika kafedrasının müdiri, biologiya elmləri doktoru, professor Vaqif Novruzovla görüşüb, onu 80 illik yubileyi münasibətilə təbrik edib.
Görüşdə iştirak edənlər Vaqif Novruzovun səmərəli elmi fəaliyyətinə nəzər salıb, Azərbaycan elminin inkişafındakı xidmətlərindən söz açıblar. Qeyd olunub ki, Vaqif Novruzov botanikanın praktiki, metodiki və nəzəri problemlərinə həsr olunmuş 250 elmi əsərin, o cümlədən 7 monoqrafiya, 3 dərslik, 7 dərs vəsaiti, metodiki göstəriş və problem mühazirələrin müəllifidir. Onun elmi məsləhətçiliyi və rəhbərliyi ilə 3 nəfər elmlər, 23 nəfər fəlsəfə doktoru hazırlanmışdır.
Niyazi Bayramov Əməkdar elm xadiminə möhkəm cansağlığı, uzun ömür, elmi və elmi-pedaqoji fəaliyyətlərində daha böyük uğurlar arzulayıb.
Vaqif Novruzov Gəncə şəhərində elmin və təhsilin inkişafına verdiyi töhfəyə görə Gəncə Şəhər İcra Hakimiyyəti başçısının “Təşəkkürnamə”si, Azərbaycan xalqının Ümummilli Lideri Heydər Əliyev irsinin təbliğində xüsusi xidmətlərinə, partiyanın tərəqqisinin və şöhrətinin artmasına töhfə verən səmərəli fəaliyyətinə görə YAP Gəncə şəhər təşkilatının “ Fərxi Fərman”ı ilə təltif olunub.
Qeyd edək ki, Vaqif Seyfəddin oğlu Novruzov 1943-cü il iyul ayının 1-də Quba rayonunun Rustov kəndində ziyalı ailəsində anadan olub. 1966-cı ildə Gəncə Dövlət Pеdаqоji İnstitutunun (indiki Gəncə Dövlət Universiteti) Biоlоgiyа fаkültəsini fərqlənmə diplоmu ilə bitirib. 1978-ci ildə bаş еlmi işçi, 1986-cı ildə dоsеnt, 1988-ci ildə prоfеssоr еlmi аdlаrını аlıb.
Azərbaycan Respublikası Prezidentinin 2008-ci il 22 sentyabr tarixli Sərəncamı ilə ona “Azərbaycan Respublikasının Əməkdar elm xadimi” fəxri adı verilmişdir. 2017-ci ildə “Botanika” ixtisası üzrə AMEA-nın müxbir üzvü seçilmişdir.
Hazırda AMEA-nın Gəncə Bölməsinin “Xəbərlər”, Gəncə Dövlət Universitetinin “Xəbərlər” jurnallarının redaksiya heyətinin, AR ETN Botanika İnstitutu Dissertasiya Şurasının üzvü, Azərbaycan Botaniklər cəmiyyətinin vitse-prezidentidir.
