Niyazi Bayramov Gəncə Uşaq Evinin sakinləri ilə birgə “DZİVA” sirk şousunu izləyib
06 May 2023-cü il tarixində Gəncə İdman Olimpiya Kompleksində Monte-Karloda keçirilən beynəlxalq sirk festivalının laureatı Allahverdi İsrafilovun təqdimatında “DZİVA” sirk şousu növbəti dəfə tamaşaçıların qarşısına çıxıb. Gəncə Şəhər İcra Hakimiyyətiin başçısı Niyazi Bayramov Uşaq Evinin kiçik sakinləri ilə bərabər sözügedən şounu izləyib.
Proqramda müxtəlif ölkələrin peşəkar sirk artistləri çıxış ediblər. Şounu janqlyor Pavel Rujilo, kloun sənətinin tanınmış simaları - Oleq fon Suvorov və Andrey Jiqalovun məşhur duetləri, tədbirin süjet xəttinin əsasını təşkil edən təlimçi Rostislav Qavrılovun şir və pələnglərinin unikal çıxışları bənzərsiz edib. Bununla yanaşı, hava gimnastlarının kollektiv qeyri adi-fəndləri, təşkilatçı Allahverdi İsrafilovun məhz bu proqram üçün hazırladığı “Inna&Darya” duet nömrəsi, eləcə də Bakı Dövlət Sirkinin artisti Günay Nuriyevanın “Sümüksüz qız” adlı nömrəsi kiçik tamaşaçılar tərəfindən böyük maraqla qarşılanıb.
Qeyd edək ki, sirk şousu 09 may 2023-cü il tarixinə qədər davam edəcək.
