Niyazi Bayramov şəhid Elvin Mustafayevin atası ilə görüşüb
Niyazi Bayramov şəhid Elvin Mustafayevin atası ilə görüşüb
Gəncə Şəhər İcra Hakimiyyətinin başçısı Niyazi Bayramov Vətən müharibəsi şəhidi Mustafayev Elvin Fuad oğlunun atası Fuad Mustafayevlə görüşüb. Görüşdə Gəncə Şəhər İcra Hakimiyyəti başçısı Aparatının məsul əməkdaşları iştirak ediblər.
Niyazi Bayramov bildirib ki, Prezident İlham Əliyevin və Birinci vitse-prezident Mehriban Əliyevanın müvafiq göstərişlərinə əsasən dövlət qurumları bu kateqoriyadan olan insanların qayğıları ilə yaxından maraqlanır, problemlərinin aradan qaldırılması üçün mütəmadi olaraq tədbirlər həyata keçirirlər. O cümlədən, Gəncə Şəhər İcra Hakimiyyətinin kollektivi də müharibə iştirakçıları və əlilləri, habelə şəhid ailələri daim diqqətdə saxlayır.
Görüş zamanı Fuad Mustafayevin müraciəti dinlənilib və qanunvericiliyə uyğun həlli üçün Gəncə Şəhər İcra Hakimiyyətinin başçısı Niyazi Bayramov tərəfindən müvafiq tapşırıq verilib.
Görüşün sonunda şəhid atası onlara göstərilən hərtərəfli diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya şəhid ailələri adından təşəkkürünü bildirib.
