Prezident İlham Əliyev Gəncə məhkəmələrinə yeni hakimlər təyin edib
Prezident İlham Əliyev Gəncə məhkəmələrinə yeni hakimlər təyin edib
Prezident İlham Əliyev bir sıra birinci instansiya məhkəmələri hakimlərinin təyin edilməsi və bəzi birinci instansiya məhkəmələri hakimlərinin vəzifələrinin dəyişdirilməsi haqqında Sərəncam imzalayıb.
Sərəncama əsasən, inzibati məhkəmələr üzrə Gəncə İnzibati Məhkəməsinə Əliyeva Leyla Kamil qızı, kommersiya məhkəmələri üzrə Gəncə Kommersiya Məhkəməsinə Qələndərzadə Ramiq Ramis oğlu, hərbi məhkəmələr üzrə Gəncə Hərbi Məhkəməsinə Bəşirov Cəmil İsmayıl oğlu, Quliyev Tariyel Şirindil oğlu, şəhər məhkəmələri üzrə Gəncə Şəhər Məhkəməsinə Xanməmmədova Liza Əliəşrəf qızı təyin olunub.
Eyni zamanda, Kamran Nüsrət oğlu Muxtarov Gəncə Hərbi Məhkəməsinin hakimi vəzifəsindən azad edilərək Bakı Ağır Cinayətlər Məhkəməsinin hakimi vəzifəsinə, Nurəddin Nizami oğlu Hüseynli Gəncə Hərbi Məhkəməsinin hakimi vəzifəsindən azad edilərək Sumqayıt Ağır Cinayətlər Məhkəməsinin hakimi vəzifəsinə, Kənan Zakir oğlu Hüseynov Gəncə Şəhər Məhkəməsinin hakimi vəzifəsindən azad edilərək Bakı Kommersiya Məhkəməsinin hakimi vəzifəsinə təyin edilib.
