Şəhid atası ürək əməliyyatında sonra ziyarət olunub
Gəncə Şəhər İcra Hakimiyyətinin başçısı Niyazi Bayramovun tapşırığına əsasən şəhid Natiq Əliyevin atası Yusif Əliyev ürəyində yaranmış problemlə əlaqədar olaraq, Gəncə Beynəlxalq Xəstəxanasında yüngül ürək əməliyyatı keçirib. Uğurlu əməliyyatdan sonra evə buraxılan şəhid atasını Gəncə Şəhər İcra Hakimiyyəti başçısı Aparatının məsul əməkdaşları ziyarət ediblər. Əməkdaşlar şəhid atasına Niyazi Bayramovun salamlarını çatdıraraq ona şəfa diləyiblər. Bununla yanaşı, şəhidin ailə üzvlərinin qayğıları ilə də maraqlanıblar.
Yusif Əliyev öz növbəsində şəhid ailələrinə göstərilən yüksək diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya dərin təşəkkürünü bildirib.
Qeyd edək ki, şəhid Əliyev Natiq Yusif oğlu Aprel döyüşlərinin, həmçinin 44 günlük Vətən müharibəsinin iştirakçısı olub. O, 16 noyabr 2021-ci ildə Ermənistan Silahlı Qüvvələrinin bölmələri tərəfindən sərhəddə törədilən genişmiqyaslı təxribatın qarşısının alınması zamanı şəhid olub. Prezident İlham Əliyevin müvafiq Sərəncamına uyğun olaraq “Vətən uğrunda” medalı ilə təltif olunub.
