Şəhid Əli Nağıyevin qırx mərasimi keçirilib
Dövlət Sərhəd Xidmətinin Sərhəd Qoşunlarının “Lənkəran” sərhəd dəstəsinin əsgəri Əli Elşən oğlu Nağıyev vəfatından 40 gün ötür. Bununla əlaqədar olaraq şəhidin anım mərasimi keçirilib.
Şəhidin qırx mərasimində Gəncə Şəhər İcra Hakimiyyətinin başçısı Niyazi Bayramov, YAP Gəncə şəhər təşkilatının sədri Bayram Aslanov, DSX-nın yüksək rütbəli zabiti, SHXÇX-nin Gəncə Şəhər Nizami Rayon Şöbəsinin rəisi Yusif Əhmədov, həmçinin idarə, müəssisə və təşkilat rəhbərləri, şəhər ictimaiyyətinin nümayəndələri və mərhumun yaxınları iştirak ediblər.
Şəhid Nağıyev Əli Elşən oğlunun Gəncə şəhərinin Şəhidlər xiyabanındakı məzarı ziyarət olunub, üzərinə tər çiçəklər düzülüb, ruhuna dualar oxunub.
Xatırladaq ki, cari ilin iyunun 9-da DSX-nin Sərhəd Qoşunlarının “Lənkəran” sərhəd dəstəsinin xidməti ərazisində mayor Baxışlı Baxış Elşən oğlu və əsgər Nağıyev Əli Elşən oğlu dövlət sərhədinin mühafizəsi üzrə xidməti vəzifələrini icra edərkən ildırım vurması nəticəsində vəfat ediblər. Şəhid Əli Elşən oğlu Nağıyev cari ilin 10 iyun tarixində Gəncənin Şəhidlər xiyabanında torpağa tapşırılıb.
