Səhiyyə Nazirliyi Gəncə Tibb Kollecində Mülki müdafiə tədbiri keçirilib
Səhiyyə Nazirliyi Gəncə Tibb Kollecində Ulu Öndər Heydər Əliyevin 100 illik yubileyi çərçivəsində tədbirlər planına uyğun olaraq “Fövqəladə hallar zamanı ilkin davranış qaydaları” adlı Mülki müdafiə tədbiri keçirilib.
Tədbirdə Gəncə Şəhər İcra Hakimiyyəti başçısı Aparatının Şəhərin mədəni irsinin qorunması şöbəsinin müdiri, Mülki müdafiə işinin aparıcısı Yadigar Bədəlov, Səhiyyə Nazirliyi Gəncə Tibb kollecinin direktoru, kollecin Mülki müdafiə rəhbəri, Əməkdar həkim Mehman Rzayev, Fövqəladə Hallar Nazirliyinin Gəncə Regional Mərkəzinin Mülki Müdafiə idarəsinin rəisi, polkovnik – leytenant Rauf Abbasov və kollecin kollektivi iştirak edib.
İki hissədən ibarət olan tədbirdə əvvəlcə Azərbaycan Respublikasının Dövlət himni səsləndirilib. Daha sonra Ulu Öndər Heydər Əliyevin və şəhidlərimizin ruhu bir dəqiqəlik sükutla yad edilib.
Tədbirdə fövqəladə hallar zamanı ilkin davranış qaydalarından, hadisə baş verən zaman kollecin mülki müdafiə qüvvələrinin icra etməli olduqları vəzifələrindən danışılıb.
Sonda mülki müdafiənin təşkilinə həsr olunmuş videoçarx nümayiş olunub.
Tədbirin ikinci hissəsində kollecin mülki müdafiə dəstəsi üçün səhnələşdirmiş təhlükə siqnalı verilib, şəxsi heyət ictimai asayişi mühafizə manqası tərəfindən təxliyyə edilib. Mülki Müdafiə qərargah rəisi Mülki Müdafiə rəhbərinə Gəncə şəhərində zəlzələ hadisəsi olduğunu məruzə edərək bunun nəticəsində Gəncə Tibb Kollecində də dağıntılar və yanğın hadisəsi olduğunu bildirib. MM rəhbəri MM qüvvələrinin hazır vəziyyətə gətirilməsini əmr edərək, manqaların öz funksiyalarına uyğun olaraq lazımi tədbirlər görməsi barədə göstəriş verib. Beləcə fövqəladə hal zamanı mülki müdafiə qaydalarına uyğun manqalar öz ixtisasları üzrə işlərinin icrasına başladılar.
Tədbir Azərbaycan Respublikası Fövqəladə Hallar Nazirliyinin Gəncə Regional Mərkəzinin xilasetmə dəstəsinin rəisi, mayor Şahbaz Şükürovun xilasetmə qurğularının sərgisinin nümayişi ilə başa çatib.
