Xalq artisti Şahnaz Haşımovanın yaradıcılıq gecəsi keçirilib
Fikrət Əmirov adına Gəncə Dövlət Filarmoniyasının təqdim etdiyi “Gəncə və gəncəlilər” layihəsi çərçivəsində Xalq artisti Şahnaz Haşımovanın yaradıcılıq gecəsi keçirilib.
Tədbirdə Gəncə Şəhər İcra Hakimiyyətinin başçısı Niyazi Bayramov, Göygöl Rayon İcra Hakimiyyətinin başçısı Elvin Paşayev, Tərtər Rayon İcra Hakimiyyətinin başçısı Müstəqim Məmmədov, Türkiyənin Gəncədəki Baş konsulu Recep Öztop, YAP Gəncə şəhər təşkilatının sədri Bayram Aslanov, Azərbaycan Milli Konservatoriyasının rektoru, Xalq artisti Siyavuş Kərimi, Azərbaycan Dövlət Akademik Musiqili Teatrın direktoru, Əməkdar incəsənət xadimi Əliqismət Lalayev, idarə, müəssisə, təşkilat rəhbərləri, incəsənət xadimləri, ziyalılar və şəhər sakinləri qonaq qismində iştirak ediblər.
Gecədə Şahnaz Haşımovanın ifasında bir birindən maraqlı musiqiləri səslənib. Həmçinin, Xalq artisti Gülyaz Məmmədova, Əməkdar artistlər Aybəniz Haşımova, Ramil Qasmov, Tural Abdullayev, sənətkarın tələbəsi Fəxri Kazım-Nicat, solist Zəminə Mustafayeva, Aşıq İlqar Nəcəfov, Türkiyədən qonaq olan saz ifaçısı Volkan Kaplan “Kəsmə şikəstə”, “Oxu gözəl”, “Sənə də qalmaz”, “İlk məhəbbət”, “Göygölüm”, “Qaragilə”, “Ana”, “Gözəl Gəncəmiz”, “Azərbaycan” mahnılarını ifa ediblər.
Gecənin bədii rəhbəri Sahil Quliyev, kollektiv rəhbəri Xalq artisti Adil Bayramov, baletmeyster Sənan Cavadovdur.