İcra Hakimiyyəti
Dövlət şəhərsalma nəzarəti üzrə məsul şəxslər
Gəncə şəhərində dövlət şəhərsalma nəzarətini daha da gücləndirmək məqsədilə Gəncə Şəhər İcra Hakimiyyəti işçilərindən ibarət ərazilər üzrə məsul şəxslər təyin edilmişdir.
Şəhərsalma və tikinti fəaliyyəti sahəsində baş verən qanun pozuntularının vaxtında aşkar edilməsi və nəticələrinin aradan qaldırılması məqsədilə Gəncə Şəhər İcra Hakimiyyəti tərəfindən mövcüd qanunvericilik aktlarına əsasən, yerli səviyyədə həyata keçirilən dövlət şəhərsalma nəzarətinin daha da gücləndirilməsi, qanunsuz tikinti işlərinin qarşısının alınması, habelə qeyri-yaşayış təyinatlı bəzi tikinti obyektlərinin sadələşdirilmiş qaydada istismarına icazə verilməsi ilə bağlı bütün zəruri tədbirlər görülür. Belə ki, Torpaq zəbtləri və qanunsuz tikililərlə mübarizə üçün Gəncə şəhərində tikinti norma və qaydalarına riayət olunmadan aparılan tikintilərin müəyyən edilməsi məqsədilə Gəncə Şəhər İcra Hakimiyyəti başçısının 10 aprel 2023-cü il tarixli Sərəncamı ilə komissiya yaradılmışdır.
Komissiyanın tərkibinə Gəncə Şəhər İcra Hakimiyyətinin, aidiyyəti dövlət qurumlarının-Gəncə Şəhər Baş Polis İdarəsinin, Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin Gəncə Ərazi şöbəsinin, Azərbaycan Respublikasının Fövqəladə Hallar Nazirliyi Tikintidə Təhlükəsizliyə Nəzarət Dövlət Agentliyi Baş Dövlət Tikinti Müfəttişliyi Qərb Regional Tikinti Müfəttişliyinin, Gəncə regional Dövlət Yanğın Nəzarəti İdarəsinin nümayəndələri, Gəncə Şəhər Kəpəz və Nizami Bələdiyyələrinin sədrləri daxil edilmişdir.
Komissiyanın 19 iyun 2023-cü il tarixində keçirilən iclasında Gəncə şəhəri ərazisində tikinti norma və qaydalarına riayət olunmadan aparılan tikintilərin müəyyən edilməsi və aradan qaldırılması tədbirləri barədə məsələ müzakirə olunmuş, işçi qrupları yaradılmış və müvafiq qərar qəbul edilmişdir. Belə ki, dövlət şəhərsalma nəzərəti çərçivəsində özbaşına aparılan tikinti işlərinin qarşısının alınması məqsədilə yerli icra hakimiyyətlərinin işçilərindən məsul şəxslər (işçi qruplarının rəhbərləri) təyin edilmiş, həmin işçilərin inzibati və sahə inzibati ərazi dairələri üzrə bölgüsü aparılmışdır.
Yaradılmış komissiya və işçi qrupları
