Fəaliyyət

Əsaslı tikinti-quraşdırma və abadlaşdırma işləri.

• 2024-cü il ərzində Gəncə Şəhər Mənzil Kommunal Təsərrüfatı İstehsalat Birliyi tərəfindən şəhərin ayrı-ayrı prospekt və küçələrində 202797 kv.metr, səkilərdə isə 45452 kv.metr yeni asfalt örtüyü salınmış, 39703 metr yeni bort daşları quraşdırılmış, məhəllə daxili yolların 13300 kv.metr asfalt örtüyü cari təmir edilmişdir.

• 2024-cü ildə Gəncə Şəhər Mənzil Kommunal Təsərrüfatı İstehsalat Birliyi tərəfindən Nizami Gəncəvi prospektində 35 ədəd, Heydər Əliyev adına meydanda 30 ədəd, “Xan bağı” istirahət parkında 40 ədəd, “Dəmiryolçular” parkında 30 ədəd, Ü.Hacıbəyli küçəsində 34 ədəd, Avtozavod yaşayış massivində 29 ədəd, S.Vurğun küçəsində 18 ədəd olmaqla, ümumilikdə 644 ədəd işıqlandırıcı quraşdırılmış, Ə.Məmmədov küçəsində 3 ədəd, 28 May prospektində 9 ədəd, M.Pişnamazzadə küçəsində 11 ədəd, Tofiq Bağırov küçəsində 20 ədəd, Cumhuriyyət prospektində 8 ədəd, Ziya Bünyadov küçəsində 3 ədəd və digər küçə, prospektlərdə ümumilikdə 253 ədəd bir şamlı işıqlandırıcı dayaq, E.Namazov küçəsində 9 ədəd, İ.Qayıbov küçəsində 10 ədəd, digər küçə və prospektlərdə 28 ədəd iki şamlı işıqlandırıcı dayaq quraşdırılmışdır.

• Bununla yanaşı, bu dövrdə MKTİB tərəfindən Heydər Əliyev prospektində 70 ədəd, Ə.Əliyev prospektində 32 ədəd, Nizami Gəncəvi prospektində 134 ədəd, Atabəylər prospektində 104 ədəd, Nizami Məqbərəsinin ətrafında 70 ədəd, Qala qapısı ərazisində 55 ədəd, Fizuli parkında 96 ədəd, Mirzə Fətəli Axundzadə küçəsində 56 ədəd, Nəriman Nərimanov prospektində 48 ədəd, Təbriz küçəsində 32 ədəd və digər küçə, prospekt, parklarda ümumilikdə 2246 ədəd LED tipli lampalar yenisi ilə əvəz olunmuş, 40 ədəd projektor quraşdırılmışdır.

• Eyni zamanda şəhərin müxtəlif ərazilərində 12 ədəd zaman relesi, 4 ədəd maqnit işə buxarıcı quraşdırılmışdır. Həmçinin, quraşdırılmış dayaqlarda işıqlandırma lampalarıın elektrik enerjisi ilə təmin edilməsi məqsədilə 8369,0 metr müxtəlif en kəsikli kabellərdən, 4866 metr 2,0x2,5 mm-lik en kəsikli naqillərdən, 6150,0 metr polietilen borudan istifadə edilmişdir.

• Hesabat dövründə yaşıllıqların qorunub saxlanılması və bioloji müxtəlifliyin inkişafı məqsədilə MKTİB-nin Yaşıllaşdırma şöbəsi tərəfindən Nizami Gəncəvi, Heydər Əliyev, Şah İsmayıl Xətai prospektlərində, Azərbaycan Bayrağı küçəsində, Gəncəçay çayının sağ sahilində, Hava limanı yolunda, “İstiqlal”, “Qələbə” parkında, “Bayraq” meydanında, Ekoloji park ərazisində və digər ərazilərdə ümumilikdə 22213 ədəd müxtəlif növ ağac tingi, 210740 ədəd kol və çiçək əkilmiş, 8 ədəd subartezian quyusu təmir edilərək istismara verilmiş, 250,5 hektar əraziyə mütəmadi qulluq göstərilmişdir.

Dəmiryolu sahəsində

• Hesabat dövrü ərzində "Azərbaycan Dəmir Yolları" QSC-nin qərb istiqaməti üzrə dəmir yol nəqliyyatı vasitəsi ilə 431,880 min ton yük daşınmışdır. Bu da ötən ilin müvafiq dövrü ilə müqayisədə 691,225 min ton azdır.

• "Azərbaycan Dəmir Yolları" QSC-nin Sərnişin daşımaları departamenti aparatı xəttinin Gəncə vağzalı tərəfindən 2024-cü ildə 32 mindən çox sərnişinə xidmət göstərilmişdir.

• Bu dövrdə "Azərbaycan Dəmir Yolları" QSC-nin Yük daşımaları Departamentinin Qərb vaqon təmiri deposu tərəfindən QSC-nin inventar vaqon parkına məxsus vaqonların depo təmiri plan üzrə nəzərdə tutulan 430 ədəd vaqona qarşı 722 ədəd vaqon təmir edilmişdir. Onların da 275 ədədi sənaye müəssisələrinindir. Depo təmirindən buraxılan vaqonlardan 79 ədədi yarımvaqon, 225 ədədi çən, 72 ədədi platforma, 64 ədədi qapalı, 46 ədədi qeyri-tip, 11 ədədi dozator, 5 ədədi dumkar, 1 ədədi taxıl, 70 ədədi sement vaqonları olmuşdur.

• Qərb vaqon istismarı deposunda  224 ədəd vaqon cari təmir olunmuşdur. Bunlardan 124 ədədi MDB dövlətlərinə məxsusdur.

İNFRASTRUKTURUN YAXŞILAŞDIRILMASI

Enerji təminatı sahəsində

• Şəhər energetikləri şəhərin sosial-iqtisadi inkişafını nəzərə almaqla əhalinin və iqtisadiyyatın dayanıqlı, fasiləsiz, sabit elektrik enerjisi ilə təmin olunması məqsədilə hesabat dövrü ərzində mərhələli şəkildə müəyyən tədbirlər həyata keçirmişdir.

• 2024-cü ildə Gəncə Elektrik şəbəkəsi tərəfindən 110/10kV-luq “Melxior” yarımstansiyasında xüsusi sərfiyyat transformatoru, 35/10 kV-luq “Məhsəti” yasrımstansiyasında gərginlik transformatoru, 110/6/6 kV-luq “Bağman” yarımstansiyasında Diaqnostika-2 kabel xəttinin vakuum açarı, 35/10/6 kV-luq “Sənaye-Rabitə” yarımstansiyasında 10 kV-luq yağ açarı yenisi ilə əvəz olunmuş, 110/35/10 kV-luq “Gəncə-3” yarımstansiyasında 35 kV-luq SAYA, 35/10/6 kV-luq “Sənaye-Rabitə” yarımstansiyasında 10/6 kV-luq hava xəttinin yağ açarı cari, 35/6 kV-luq “Nizami” yarımstansiyasında 10 mVA gücündə transformator cari və əsaslı təmir olunmuşdur.   

• Eyni zamanda 110/6 kV-luq “Mərkəz” yarımstansiyasında 10 mVA, 20 mVA gücündə transformatorlar cari və əsaslı təmir olunmuş, həmçinin cərəyan transformatoru yenisi ilə əvəz edilmiş, 35/6 kV-luq “Gəncəçay” yarımstansiyasında hava xəttinin yağ açarı, 110/6 kV-luq “Yağ Piy Kombinatı” yarımstansiyasında yağ açarı cari təmir edilmişdir.

• 35/6 kV-luq “Sadıllı” yarımstansiyasında qüsurlu 4 mVA gücündə transformator yenisi ilə əvəz edilmiş, 110 kV “Bağman” yarımstansiyasında 6 kV-luq çıxış xətləri cari, 110/10 kV-luq “Melxior” yarımstansiyasında 10 kV-luq yük boşaldıcılarının yağ açarı cari təmir olunmuşdur.

• 110/6 kV-luq “Mərkəz” yarımstansiyasında 6 kV-luq şində olan cari və əsaslı, 110/10 kV-luq “AKTA” yarımstansiyasında 10 kV-luq “Quşçuluq-2” hava xəttinin yağ açarının cari təmir olunmuşdur.

• 35/6 kV-luq “Gəncəçay” yarımstansiyasında 6 kV yağ açarının cari təmir olunmuş, 110/6 kV-luq “Bağman” yarımstansiyasında zədəli zədəli transformatoru, 110/10 kV-luq “Melxior” yarımstansiyasında transformatoru yenisi ilə əvəz olunmuşdur.

• Bu dövrdə Gəncə şəhərində yeni salınmış yaşayış massivlərini elektrik enerjisi ilə təchiz etmək və 0,4 kV-luq şəbəkələrin gücləndirilməsi məqsədilə 254 ədəd ÖİN dayaq basdırılmış, 14,7 kilometr SİP kabel çəkilmişdir.

• 32 ədəd 10/6 kV-luq dayaq basdırılmış, 680 ədəd 0,4 kV-luq, 653 ədəd 10/6 kV-luq dayaq rənglənmiş, 3,36 kilometr uzunluğunda müxtəlif markalı naqil, 233 ədəd ŞF-10 markalı izolyator quraşdırılmış, 3,07 kilometr uzunluğunda 10/6 kV-luq “XLPE” markalı, 0,86 kilometr uzunluğunda 35 kV-luq “XLPE” markalı kabel çəkilmiş, 31 ədəd 35 kV-luq aralıq mufta quraşdırılmış, 122 ədədi aralıq, 51 ədədi sonluq olmaqla, ümumilikdə 173 ədəd 10/6 kV-luq mufta quraşdırılmışdır.

• Bununla yanaşı, 14,7 kilometr 10,6 kV-luq, 6,7 kilometr 0,4 kV-luq hava xətləri tarımlanmış, 1209 ədəd transformator və kompleks transformator məntəqəsində cari təmir işləri aparılmış, 8 ədəd 10 kV-luq cərəyan transformatoru, 5 ədəd 10 kV-luq gərginlik transformatoru, 32 ədəd 0,4 kV-luq 400 A-lik ayrıcı, 102 ədəd 0,4 kV-luq 400 A-lik qoruyucu, 2 ədəd 0,4 kV-luq 250 A-lik ayrıcı, 6 ədəd 0,4 kV-luq 250 A-lik qoruyucu quraşdırılmışdır.

• Yeni yaşayış və ticarət obyektlərini elektrik enerjisi ilə təchiz etmək məqsədilə 279 ədəd 1 fazlı, 79 ədəd 3 fazlı elektrik sayğacı quraşdırılmışdır.

Təbii qaz təminatı sahəsində

• Gəncə Regional Qaz İstismar İdarəsinin Gəncə Xidmət Sahəsi tərəfindən hesabat dövrü ərzində əhalinin və digər istehlakçıların normal və təhlükəsiz qaz təchizatı ilə təmin edilməsi, yeni salınmış yaşayış qəsəbələrinin qazlaşdırılması, qaz təchizatı şəbəkəsinin əsaslı təmiri istiqamətində bir sıra mühüm işlər görülmüşdür.

• 2024-cü ildə Gəncə Xidmət Sahəsi tərəfindən podratçı təşkilatlar tərəfindən mənzillərə 1636 qaz sayğacı quraşdırılmış, 9381 ədəd qaz sayğacı yenisi ilə əvəz olunmuş, 916 qaz tənzimləyici şkaf və 415 siyirtmə təftiş və təmir olunmuşdur.

• 2024-2025-ci Payız-qış mövsümü ilə əlaqədar istismara yararsız 24 ədəd tənzimləyici yeniləri ilə əvəz edilmişdir.

• Eyni zamanda şəhərin müxtəlif ünvanlarında yer səthi ilə təması olan 700 p/m qaz xətləri dayaq üzərinə qaldırılmış, eyni zamanda N.Nərimanov prospektində müxtəlif diametrli qaz xətlərinin 6000 p/m hissəsi boyanmışdır.

• Qaz xətlərinə baxış zamanı 986 qaz sızması aşkar edilmiş və 986 sızma aradan qaldırılmışdır.

İçməli su təminatı sahəsində

•  Ölkə Prezidenti cənab İlham Əliyevin qarşıya qoyduğu və böyük əhəmiyyət verdiyi çox zərurət doğuran həyat əhəmiyyətli məsələlərin həlli kimi əhalinin içməli su ilə təminatı və kanalizasiya sisteminin yenidənqurulması müstəsna yer tutur və bu istiqamətdə mühüm işlər görülür.

• “Açıq Kommunal İnfrastruktur Proqramı II” çərçivəsində Gəncə şəhər əhalisinin keyfiyyətli su ilə təminatı və kanalizasiya xidmətlərinin yenidənqurulması sahəsində aparılan genişmiqyaslı işlər davam etdirilməkdədir.

• Layihə çərçivəsində 2024-cü ildə 23030 p/m müxtəlif diametrli su xətti, 20118 p/metr müxtəlif diametrli kanalizasiya xətti çəkilmiş, 600 ədəd kanalizasiya nəzarət baxış quyusu tikilmişdir.

• Hesabat dövrü ərzində Gəncə Şəhər Sukanal İdarəsi tərəfindən şəhər su və kanalizasiya təsərrüfatlarında magistral su kəmərlərində, həmçinin şəhərdaxili su şəbəkəsində uzunluğu 3183 p/metr müxtəlif diametrli su borusu, 1884 p/metr müxtəlif diametrli kanalizasiya xətti dəyişdirilmiş və ya təmir olunmuş, 69 ədəd kanalizasiya nəzarət baxış quyusu tikilmiş və 33 ədəd kanalizasiya nəzarət baxış quyusunun üzərinə çuqun lyuk qoyulmuşdur.

• 58 ədəd müxtəlif markalı su nasosu, 72 ədəd müxtəlif diametrli siyirtmə təmir olunmuş, 18 ədəd siyirtmə, 53 p/metr müxtəlif en kəsikli kabel dəyişdirilmişdir.

• Bununla yanaşı, 188 ədəd subartezian quyusunda təmir işləri aparılmış, 1721 ədəd sərfölçən və su sayğacı quraşdırılmış, 27 ədəd müxtəlif tutumlu su anbarı təmizlənib dezinfeksiya olunaraq istifadəyə verilmişdir.